EN
އަތޮޅުތެރެއަށް ކުރަންޖެހުނު ދަތުރެއްގެ، ހުރިހާ އިންތިޒާމެއް ހަމަޖެއްސުމާއި ހަވާލުވެ ހުރި ފަހަރެކެވެ. ލޯންޗުފުރަން އޮތް ގަޑިއަށް މޫސުން ގޯސްވެއްޖެއެވެ. ދަތުރުކުރެވިދާނެކަމާމެދު ސުވާލު އުފައްދާވަރަށް މޫސުން ހުރީ ގޯސްކޮށެވެ. ދަތުރުގެ ބައިވެރިން ތިބީ ފުރާ ދިމާލަށް ނިކުމެއެވެ.
އަޅުގަނޑުގެ ވެރިމީހާ އިޝާރާތްކޮށްލާ، އަޅުގަނޑަށް ގެންދަވާފައި ވިދާޅުވިއެވެ. މިއީ ގޮތެއް ނިންމަން ޖެހޭ ވަޤުތެވެ. މިހެން ކިތަންމެ އިރަކުވެސް ތިބެވިދާނެއެވެ. ދަތުރުކުރިއަށް ގެންދާނެގޮތެއް ނިންމަންވާނީ ދަތުރު އިންތިޒާމްކުރި ފަރާތުންނެވެ. މިކަން ރޭވީ އަދި މިދާމަންޒިލުގައި ކަންކަން ރާވާފައި ހުރީ އަލީއެވެ. އެހެންވީމާއި ގޮތެް ނިންމަމާ ހިންގާށެވެ.
އަޅުގަނޑުގެ ވެރިމީހާ ގޮތް ނިންމަން މިކޮށައި ދިނީ މަގެކެވެ.
އާދެ! ނުބައި ނިންމުމެއް ނިންމިދާނެތީ ގޮތެް ނުނިންމުމަކީ ނިންމުމެއް ނޫންކަން އަޅުގަނޑަށް އެދުވަހު ޤަބޫލުކުރެވުނެވެ.
ގޮތެއް ނުނިންމާ، ވަޤުތު ނަގާލުމަކީވެސް ނިންމުމެކެވެ. އެހެންނަމަވެސް އެއީ ރަނގަޅު ނިންމުމަކަށް ނުވެއެވެ. އެއީ ދަތުރު ކުރެވޭ ވަރަށް މުސޫން ބަދަލުވާނީ ކޮންއިރަކު ކަމެއް ނޭނގޭތީއެވެ. ފުރަން ފާލަންކައިރިއަށް އައިސްތިބި މީހުން ދަތުރުގެ އިންތިޒާރުގައި ބާތިއްބައިގެން ނުތިބެވޭނެއެވެ.
ކުރަން އުޅޭކަމެއްގައި ގޮތެެއް ނިންމުނީމައި، އޮތީ ކާމިޔާބު ނޫނީ ނާކާމިޔާބު ވުމެވެ. ނަތީޖާ އިހްސާސްކުރެވޭނީ ކާމިޔާބު ކުރެވުނީމައެވެ.
އަނެއްކޮޅުން އޮތީ ނާކާމިޔާބީއެވެ. އޭގެންވެސް ފިލާވަޅާއި ތަޖުރިބާތަކެއް ލިބޭނެއެވެ. ހާޔާތަށާއި ވިސްނުމަށް ބަދަލުތަކެއް ގެނެސްދޭނެކަމެވެ.
ގޮތެއް ނުނިންމާ ހުރުމަކުން، މިއިން އެއްވެސް ކަމެއް ނުލިބޭނެއެވެ. އިތުރު ތަޖްރިބާއެއް ނުކުރެވޭނެއެވެ.
ހަރަކާތްތެރިވުމާއި ހަރަކާތް ހިންގުމަކީ ދިރުން ގެނެސްދޭނެކަމެކެވެ. ގުޑާނުލާއި ހުރުމުން ކެނޑޭނީ ބާރެވެ.
ގޮތެއް ނިންމާއިރު އަޅުގަނޑުމެން އަމިއްލަ ނަފުސާ ކޮށްލާނެ ސުވާލަކީ، ކުރިމަތިވާ މައްސަލައެއްގައި ގޮތް ނިންމުމުން ކުރިމަތިވާނެ އެންމެ ދެރަގޮތަކީ ކޮންކަމެއް ތޯއެވެ. ގޮތެއް ނިންމާއިރު ހިޔާލަށް ގެންނަންވީ ނަފްސާނީގޮތުންނާއި، އިޖްތިމާއި ގޮތުންނާއި، މާލީގޮތުންނާއި ޖިސްމާނީ ގޮތުން ކުރިމަތިވާނެ ގޮންޖެހުންތަކަށެވެ. މިކަންތަކުން ކުރިމަތިވާނެ ހުރަސް ތަކުން އަރައިގަނެވޭނެ ވިސްނުމެއް ހުރިއްޔާ ގޮތްނިންމައި ކުރިއަށް ދާންވީއެވެ.
އަދި ގޮތެއް ނިންމާއިރު އަބަދުވެސް ދެގޮތެއް އޮވެއެވެ. ފަސޭހަ ގޮތާއި އުނދަގޫގޮތެވެ.
ކަމެއް ކުރަން އޮންނަ ދުވަހު، އެކަންނުކޮށް ދޫކޮށްލުމަކީ ވަރަށް ފަސޭހައިން ކުރެވިދާނެކަމެކެވެ. ރަނގަޅު ގޮތަކީ ދުވަހަށް މަސައްކަތް ނިންމުމެވެ. މީހަކާއި ބެހޭގޮތުން އަޅުގަނޑުމެން ދެކޭގޮތް ފާޅު ކުރުމަކީ، ވަރަށް ފަސޭހައިން ކުރެވޭކަމެކެވެ. ސިޔާސީ މީހުނާއި ބެހޭގޮތުން އަޅުގަނޑުމެން ވަރަށް ގިނައިން މިކަހަލަ ހިޔާލު ފާޅު ކުރަމެވެ. ރަނގަޅުގޮތަކީ ސިޔާސީ މީހުންގެ ނަޒަރިއްޔާތަށްވެސް ރިޔާއަށްކޮށް އަޅުގަނޑުމެން ހިޔާލުތައް ބިނާކުރުމެވެ.
ފަސޭހަގޮތަށް ކަންކުރުން ލުޔެވެ. އެކަމު ރަނގަޅުކަމެއް ދުވަހަކުވެސް ގޯސްކަމަކަށް ނުވާނެވެ.
ނަޒަރިއްޔާތާއި ކަންކަން ނިމުމުގެ ވާހަކަ ދެކެވޭއިރު، ނިމިދިޔަ ހަފުތާއާ މިހަފްތުގައި ހިންގަމުން މިދާ ކަންކަން ވިސްނާލީމައި ކަންކަން ނިންމުމުގައި އޮންނަގޮތް ވަރަށް ސާފުކޮށްފެނެއެވެ.
ރައީސް ޔާމިން ނިމިދިޔަ ހަފުތާގައި ވަރަށް ބޮޑެތި ނިންމުންތަކެއް ނިންމެވިއެވެ. ސިޔާސީގޮތުން ރައީސް ޔާމިން ކުރައްވަން އޮތް ދަތުރުގައި ހިމޭނުން ހުންނެވިނަމަ ވާނީ ކިހިނެއްތޯއެވެ. ވަޤުތުތަކެއް ގެއްލިގެންދާނީއެވެ. އާސަރުކާރު ދުވަހެއް ދުވަހަކަށް އަންނާނީ ގަދަވަމުންނެވެ. ރައީސް ޔާމިންގެ ސިޔާސީ ހަޔާތް އޭރުން އޮންނާނީ އެހެން ރައީސުންނާއި ވަރަށް އެއްގޮތް ކަހަލަގޮތަކަށެވެ.
ޕީޕީއެމް ލިބޭތޯ ކުރެއްވި މަސައްކަތް ނާކާމިޔާބު ވިއެވެ. މަލީހުގެ ނޫސްވެރިންނާއި ބައްދަލުވުމާއި ވިދިގެން ސަރުކާރުން ފިޔަވަޅުތަކެއް އެޅިތަން ފެނިގެންދިޔައެވެ. ވަރަށް ފަސޭހަގޮތް ހިޔާރު ކުރާކަހަލަ ނިންމުތަކެކެވެ. ޕީޕީއެމްގެ އުސޫލާއި ގަވައިދުގެ ތެރޭން ޕާރޓީ ލިބެން ނެތްކަން ޕާރޓީގެ ލިޑަރޝިޕުން ހާމަކޮށްދިނެވެ. މިއީ ވަރަށް ފަސޭހައިން ޕާރޓީގެ ގާނޫނީ ވެރިންނަށް ކޮށްލަން ފަސޭހަކަމެކެވެ.
އަދި ރައީސް ޔާމިން މިފަހަރު ނާކާމިޔާބު ވެއްޖެކަން ހުރިހާ މީޑިއާތަކުން ކަހަލަގޮތަކަށް ހާމަކުރަން ފެށިއެވެ.
ދެ ރައީސުން ހެއްދެވި ގޯސް ތިންވަނަ ރައީސް ހައްދަވަނީ؟ ސަންއޮންލައިން
މެންބަރުން ބުނީ ޔާމީންގެ ފޮޓޯ ދެއްކިޔަސް އަބަދު މަގުމަތީގައި ތިބެވޭކަށް ނެތޭ! ދަޕްރެސް
ޕާޓީގެ ކޮންޓްރޯލް ނަގަން ޔާމީން އެ އުޅުއްވަނީ ގަދަބާރުން! މިހާރު
ޔާމީނަށް ކޮޅުކެހި، ޕީޕީއެމްގެ ތާރީހު އަނެއްކާވެސް ބަދަލުވެއްޖެ!މިހާރު
ރައީސް ޔާމީން އެ އަޅުއްވަނީ ޅަ އެއްޗެއް!؟ ވަޤުތު
'މިއީ ޔާމީން ފާޅުގައި މުއިއްޒާ ދެކޮޅަށް ނުކުތުން' ދައުރު
މިކަން ކުރިމަތިވި ދަނޑިވަޅުގައި ރައީސް އޮފީހުން ވަރަށް ބުއްދިވެރި ކަންތައްތަކެއް ކުރެއްވިއެވެ. މީޑިއާތައް އެއް ކުރައްވާފައި މީޑީއާތަކަށް ފައިސާ ދޫކުރުމަށް ހަމަޖެހިފައިވާ ކަމަށް ހާމަކުރެއްވިއެވެ.
ދެން މީޑީއާގެ ސުރުހީތައް ހުރީ މަތީގައި ފާހަގަކޮށްފައި ހުރި ކަހަލަގޮތަކަށެވެ.
އާދެ! ރައީސް ޔާމިން ނިންމެވީ، ސިޔާސީ ފަރާތްތަކާއި ނޫސްވެރިން ލަފާކޮށްފައިވާ ގޮތަކަށް ނޫނެވެ. މުއާމަލާތް ކުރުމަށް ވަޤުތު ދުއްވާނުލައްވާ، ޔާމީންއަށް ތާއިދު ކުރައްވާފަރާތްތަށް މާޔޫސްވާން ޖާގަނުދެއްވާ، ނިންމެވީ އާޕާރޓިއެއް ހަދާށެވެ.
ނޫސްތަކުން ފެންނަ ގިނަ ލިޔުންތަކުގައި ހުރީ، ކުރީގެ ރައީސުންނަށް މިފަދަގޮތްތަށް ދިމާވީމައި ކަންކުރެއްވި ގޮތާއި އެބޭފުުޅުންގެ ސިޔާސީ ހަޔާތަށް ވެގެން ދިޔަގޮތާއި ޔާމިންއަށް ވާނީވެސް އެގޮތަށް ކަމަށް މިސްރާބުކޮށްފައެވެ.
އަޅުގަނޑު ދެކޭގޮތުގައި ރައީސް ޔާމިންއަށް ކުރިމަތި ވިގޮންޖެހުން ތަފާތެވެ.
ޑިއާރުޕީ އުފެއްދުމުގައި ޔާމިން އުޅުއްވިއެވެ. ޑީއާރުޕީއަކީ ރައީސް މަައުމޫން ވެރިކަމުގައި ހުންނަވަން އުފެއްދެވި ޕާރޓީއެކެވެ. ރައީސް މައުމޫނުގެ ވެރިކަން ނިމިގެން ޕާރޓީ ލިޑަރޝިޕް ބަދަލުވީމައި މައުމޫނު ރިޓަޔަރކުރެއްވި ކަމަށްވެސް ޚަބަރުތައް ނިކުތެވެ.
ޕީޕީއެމެކީ ޔާމިން ވެރިކަމަށް ވަޑަައިގަތުމަށް ކޮށެއްވި މަގެކެވެ. އެކަން ކުރެއްވިއެވެ. ރައީސް ޔާމިންގެ ވެރިކަމުގައި ޕާރޓީގެ ޒައީމު ރައީސް މައުމޫން އަތުން ޕާރޓީ އަތުލެއްވިއެވެ. ރައީސް ޔާމިން އިންތިހާބުން ބަލިވެވަޑައިގަތުމުންވެސް ހުންނެވީ، ވެރިކަމަށް އަލުން އަނބުރާ ވަޑައިގަތުމުގެ ރޫހުގައެވެ.
އެއްވެސް ވަޤުތެއް އެނޫންގޮތަކަށް ނިންމަވާފައި އޮތް ކަމަކަމަށް ފެންނަކަހަލަ އިޝާރާތެއް ނުދެއްވައެވެ. ހުރިހާ ބޭފުޅުންނަށް އެގިވަޑައިގަނަންވާނެހެން ޕީއެންސީއަކީވެސް ރައީސް ޔާމިން ވެރިކަމަށް ވަޑައިގަތުމުގެ ނިޔަތުގައި އިންދެވިއޮށެކެވެ. ޕީޕީއެމް ޤާނޫނުގެ ތެރެއިން ގެއްލިއްޖެނަމަ ޕީއެންސީ ރިޒާވުގައި ބާއްވާށެވެ.
އެހެންވީމައި ރައީސް ޔާމިންގެ ނަޒަރުން ވިސްނާލާއިރު، ޔާމިން ހުންނެވީ ވެރިކަމަށް ވަޑައިގަންނަވާށެވެ. ޑރ.މުއިޒު އެއަތުލެއްވީ ޔާމިން ފައްކާކުރަމުން ގެންދެވި ފުރުސަތެވެ.
ދެން ރައީސް ޔާމިން ކަންކުރައްވާނީ ކިހިނެއްތޯއެވެ. ކުރީގެ ރައިސުން ކުރެއްވިހެން ކަންކުރައްވަން މަޑުކުރައްވަނީތޯއެވެ. ރައީސް މައުމޫނު ޕާރޓި ބޭނުންފުޅުވަނީ ވެރިކަމަށް ވަޑައިގެންނަވާކަށް ނޫނެވެ. ސިޔާސީ ކަންކަމުގައި ބާރުވެރިއެއް ގޮތަށް ހުންނަވާށެވެ. އެކަމަކު، އެވަރަށް ހަކަތަ ލެއްވޭތަނެއް ނުފެނެއެވެ.
ރައީސް ނަޝީދު ކަންކުރެއްވި ގޮތް ހަނދާނުން ގެއްލޭހައި ދުވަހެއް ނުވެއެވެ. އެމަނިކުފާނު ޕާރޓީގެ ލީޑަރޝިޕު ހޯދަވަން ކުރެއްވި އެކި ކަންތައްތަކުން ދުވަހެއް ދުވަހަކަށް ދިޔައީ ޕާރޓިތެރޭ އޮތް ތާއިދު ކުޑަވަމުންނެވެ. އަދި އެންމެ ފަހުން ރިޔާސީ ޕްރައިމެރީއިން ރައީސް ނަޝީދު، މި ވަޤުތު ހުންނެވި މިންގަޑު ދެނެގަނެވިއްޖެއެވެ. އަދި ދެންވެސް ކުރައްވަމުން ގެންދެވި ކަންކަމުން ސިޔާސީ ގޮތުން ސިރިއަސް ބޭފުޅެއް ގޮތުގައި ދެކެން އުނދަގުލެވެ.
ރައީސް ޔާމިން މިނިންމެވި ނިންމުންތަކަކީ، ކުރީގެ ރައީސުން ކަންކަން ކުރެއްވި ގޮތާއި ތަފާތު ނިންމުމެކެވެ. ސަބަބަކީ ގޮތްނިންމެވިލެއް އަވަސް ކަމުންނެވެ. އެހެންވީމައި ނަތީޖާ ކޮންމެހެނަކުން، ކުރީކަންކަން ދިމާވީގޮތަށް ނުނިކުމެވެސް ހިނގައިދާނެއެވެ.
ކުރިއަށް އޮތީ މަޖްލިސް އިންތިހާބެވެ. ކުރިން ދެންނެވި ދެ ރައީސުންނެއް މަޖްލިސް އިންތިހާބުގައި އެބޭފުޅުން ނިސްބައިވި ޕާރޓީ ދޫކުރައްވާ އެހެން ޕާރޓީއެއްގައި ވާދަނުކުރައްވައެވެ.
އެހެންވީމައި ދަތުރަށް ފަށާއިރު ތިބެންވާނީ ކޮންމެ ކަމެއްވެސް ކުރިމަތިވެދާނެ ކަމަށް ތައްޔާރަށެވެ. އަދި ކަމެއް ކުރިމަތިވާއިރު ގޮތްނިންމަން ޖެހޭނެއެވެ. އަވަހަށެވެ. ދަނޑިވަޅުގައެވެ.
